LA UNION – Agtalinaed iti panangikagumaan ti pulisya iti panangtiliw kadagiti mangitantandudo ti iligal a droga gapu ta umat-atiddag iti listaan dagiti maar-aresto a newly indentified drug personalities iti uppat a probinsya a mangbukbukel iti Ilocos Region.
Impanamnama ni C/Supt. Romulo Sapitula, Director ti Police Regional Office-1 (PRO-1), saanda nga agsardeng iti panangparmek kadagiti drug personalities tapno magun-od ti “drug free community” agingga iti kabaelan dagitoy.
“Suppressing the supply of illegal drugs will surely lead to the eradication of demands for illegal drugs. The Police Regional Office 1, on its utmost efforts is working out a firm anti-illegal drug campaign regionwide so that we can achieve a drug free community as soon as we can,” ani ni Sapitula.
Base iti listaan ti PRO-1, manipud iti August 1 agingga August 22, 2018 wenno iti uneg laeng ti 22 nga aldaw ket umabot iti 296 police operations ti naisayangkat iti intero a rehiyon ken 304 drug personalities dagiti nakemmeg.
Manipud iti 304 a naaresto ket umabot iti 279 a maaw-awagan a newly identified drug personalities ken 25 kadagitoy iti karaman ti Directorate for Intelligence Watchlist.
Kas paset iti napabileg a kampanya kontra ti droga, lalo nga ikagumaan iti pulisya idiay Ilocos Region ti sumarungkar kadagiti pagtaengan tapno maliklikan nga agraira iti maipawil nga agas. (Absalom Flores)
