LA UNION – Pinadayawan ti OWWA ni Aprila Bisquera, Admin 3 iti OWWA Regional Field Office One, kas Marilag Awardee ita a tawen 2022.
Ni Bisquera ket 30 a tawen itan nga agserserbi iti nasao nga opisina, a ti kangrunaan a trabaho daytoy ket agas-asistir wenno tumultulong kadagiti Filipino Migrants ken Overseas Filipino Workers nga addaan ti parikot iti ballasiw taaw.
Partikular a naggapwan na a pagilian ket idiay Libya, Syria, ken iti naudi ket idiay Bahrain, a timmulong kadagiti filipino workers nangruna iti panawen ti COVID-19 pandemic.
Kas regional awardee, ni Bisquera ket makisalip para iti national level competition a maangay idiay PICC complex inton Marso 29, 2022.
Tinawen a maipapaay iti Marilag Awards, para iti panangbigbig ti gapwanan dagiti Filipina Overseas Filipino Worker (OFW)-Regional Community Leaders and Family Welfare Officers iti intero a pagilian, kas panang-apreciar iti achievements ken sakripisyo dagitoy, nga agpapaay nga inspirasyon kadagiti babbai, para iti pagimbagan iti pamilya ken komunidad.
Isutgapuna, a maigid-giddan daytoy iti selebrasyon ti Women’s Month ita a bulan ti Marso, nga addaan ti tema ita a tawen, “Agenda Ng Kababaihan Tungo Sa Kaunlaran.”
