LA UNION – Naan-anayen a linteg iti Republic Act 11997 wenno Kabalikat sa Pagtuturo Act kalpasan a pirmaan ni President Ferdinand Marcos Jr.
Iti sidong ti Kabalikat sa Pagtuturo Act, maaramid a P10,000 kada tawen manipud iti agdama a P5,000 iti teaching allowance dagiti mangisursuro iti pampubliko a pagadalan.
Iti nasao nga allowance ket paggatang iti arwaten, materyales ken dadduma pay a gastos dagiti teachers iti panagisuro dagitoy.
Dimmar-ay iti signing ceremony idiay Palasyo ti Malakanyang da DepEd Spokesperson Michael Poa, Senate President Chiz Escudero ken Speaker Martin Romualdez.
Inton School Year 2025-2026 nga agbalin nga epektibo ti nasao a linteg.
