BR LA UNION – Binallagan ti Department of Agriculture (DA) dagiti meat vendors nga agilaklako ti nangina a presyo ti karne ti baboy a dumanon iti P450 kada kilo agingga P480 kada kilo iti merkado.
Segun kenni Agriculture spokesperson ASec. Arnel de Mesa, agrikos ken agturong da kadagiti lugar nga agilaklako ti nangato unay a presyo iti karne ti baboy tapno sitaen dagitoy.
Kinuna na a maibasar iti inisyal a konsultasyon iti hog industry stakeholders, agpar-parang a saan a resonable dagiti presyo.
Maibasar iti DA-Bantay Presyo, idi Pebrero 15, iti presyo ti karne ti baboy ket agtaltalinaed a nangato idiay Metro Manila, a dumanon ti P380 agingga P480 kada kilo para iti pork liempo bayat a P350 agingga P420 kada kilo para iti pork kasim.
Kabayatanna, tapno masungbatan ti nangato a presyo iti baboy, immunan nga imbaga ti DA a posible nga ipatungpal iti manufacturer’s suggested retail price (MSRP) inton Marso tapno makatulong a mapag-kalma iti panagngato ti presyo ti karne ti baboy.
Kitkitaen ti ahensiya iti posibilidad a panagilako ti nalaklaka a presyo ti karne ti baboy kas alternatibo nga opsiyon kadagiti konsyumer.
