BR LA UNION – Ni Mark Carney ti baro a nadutokan a prime minister ti Canada ken lider ti Liberal Party kalpasan a nangabak iti eleksiyon ita nga aldaw. Nasurok a 150,000 a party members ti nagbotos iti eleksiyon.
Ti nakalaban ni Carney para iti puwesto ket ni Chrystia Freeland a nagbalin a senior cabinet iti Liberal government.
Ni Carney ket sigud a gobernador ti Bank of Canada ken Bank of England sakbay a nangabak a kas prime minister ken maibilang a maysa a political novice wenno bagito iti pulitika.
Ngem patien ni Carney nga isuna ti kasayaatan a sumukat a mangpabiag manen iti partido ken mangimaton iti trade negotiations kenni US President Donald Trump a mangipangpangta ti kanayunan a taripa, a dakkel a makaapektar iti export-dependent economy ti Canada.
Iti panagbetlana, nagyaman kadagiti ministro a nagtalinaed iti puestoda iti laksid dagiti pangta.
Innayonna nga agserserbi ti liberal party kas timek ti komunidad tapno ad-adda a matulongan dagiti agkasapulan.
Maipalagip nga idi Enero, inwaragawag ni Justin Trudeau nga aglosolos iti puesto kalpasan ti panagserbina iti siyam a tawen.
