BR LA UNION – Pinaglibakan ti Armed Forces of the Philippines (AFP) dagiti report maipapan iti mapapati a panagresign ti sumagmamano a military personnel kalpasan ti pannakaaresto ni sigud a Presidente Rodrigo Duterte.
Iti interview kenni AFP spokesperson Col. Francel Margareth Padilla a saan pay a kumpirmado dagiti damag mainaig iti maipagarop a panagresign dagiti kameng ti AFP kas panangipakita ti suporta iti sigud a Presidente a naaresto ken naiturong idiay The Hague, Netherlands idi Martes gapu iti maipagarup nga inaramidna a krimen kontra iti sangkataoan idi kangitingitan ti kampanya ti administrasyon na kontra iti illegal a droga.
Mainaig iti daytoy, inallokoy ti AFP official iti amin a liklikan ti panangiwaras ti saan a kumpirmado nga impormasyon ken itandudo ti kritikal a pannakaawat.
Kinuna ni Col. Padilla nga agtalinaed ti Armed Forces of the Philippines a propesyunal, agkaykaysa ken non-partisan nga institusyon iti puwersa armada ti pagilian ken committed iti mandato-na a mangidepensa iti pagilian ken agserbi iti umili a Pilipino.
Kinunana pay nga agtultuloy ti panangipamaysa dagiti personnelda iti sinapataan a pagrebbengan, a mangitandudo iti rule of law ken chain of command.
Iti met biang ti Philippine Army, imbaga ni Army spokesperson Col. Louie Dema-ala nga awan pay ti naawatda a report nga adda dagiti naglusulos a suldado.
Ingkaso kunana a naggapu dagitoy a report iti social media, saan koma a pattien dagitoy.
Impasigurado pay ti Army official nga agtalinaed a nangato ti moral ti Army ken agtalinaed a propesyunal nga organisasyon a naka-commit iti mandatona ken agtalinaed a maysa a propesyunal nga organisasyon a nakasentro iti mandato na, agsipudta sumangsango ti pagiian iti dadduma pay a problema.
Kabayatanna, kinuna met ni Philippine Air Force Col. maria Consuelo Castillo, nga awan iti na-monitor da nga unrest wenno panaglosolos iti siasinuman a personnel iti nasao a pr.
