Naiyuswat ti maysa a buy-bust operation sadiay San Esteban, Ilocos Sur a nakatiliwan ti maysa a resurgent drug personality.
Ti naballigi nga operasyon ket babaen kadagiti nagbinnulig a kameng ti Philippine Drug Enforcement Agency Regional Office I – Ilocos Sur Provincial Office (PDEA RO I – ISPO), Ilocos Sur Police Provincial Office – Provincial Drug Enforcement Unit (ISPPO-PDEU), ken San Esteban Police Station.
Segun kenni PDEA RO 1 Regional Director, Director III Joel B Plaza, ti suspek ken managan ti Ricky Boy S. Ea, 28-anyos, ken residente metlaeng ti nasao a munisipalidad.
Naarestar ni Ricky Boy idi alas 11:12 ti aldaw ti Marso 11, a nakarekobrean met kadagiti dua pidaso nga heat-sealed transparent plastic sachet iti shabu ken aggatad ti P13,600.00, maysa a mobile phone, sling bag, disposable lighter, glass tooter, maysa a white paper, balisong, ken ti buy-bust money.
Mapilaan ti suspek ti kaso a panaglabsing ti Section 5 (Sale of Dangerous Drugs), ken Section 11 (Possession of Dangerous Drugs), Article II iti RA 9165 wenno Comprehensive Dangerous Dugs Act of 2002 nga agdaman a nakadetene sadiay San Esteban Police Station.
