BR LA UNION – Inyanunsyo ti Vatican a maisayangkat ti tabon ni Pope Francis inton Sabado, Abril 26, iti oras alas-10 ti agsapa idiay St. Peter’s Basilica.
Maipalagip a pimmusay ni Pope Francis idi Lunes (Abril 21) iti edad nga 88 gaputi stroke ken atake iti puso.
Kabayatanna, agtataripnong dagiti kardinal ita a Martes, Abril 22, tapno agsagana para iti panagbotos ti baro a Papa iti uneg ti tallo a lawas.
Nagdeklara iti Argentina, a nagtaudan a pagilian ti Santo Papa ti makalawas a ‘national mourning’ bayat a ti India ket nag-anunsiyo ti tallo nga aldaw a ‘national mourning.’
Namnamaen dagiti lider iti naduma-duma a pagilian ken miyembro ti royal family iti tabon ni Pope Francis idiay St. Peter’s Basilica.
Immunan nga inyaunsyo ni US President Donald Trump a dumar-ay daytoy.
Maibasar iti allagaden ti Simbaan Katolika, iti tabon ni Pope Francis ket maisayangkat iti baetan ti Biyernes ken Domingo, tallo agingga innem nga aldaw sipud pimmusay.
Iti bagi ti Santo Papa ket maiyakar manipud Santa Marta chapel agturong idiay St. Peter’s Basilica inton Miyerkules, Abril 23, tapno ipaayan ti gundaway dagiti deboto a mangipaay respeto.
Nakailanad iti maudi a bilin ti Sto Papa a maitabon idiay Santa Maria Maggiore Basilica idiay Roma, maysa a pakasaritaan agsipudta adda maysa a Santo Papa a naitabon iti ruar ti Vatican.
Ni Pope Francis wenno Jorge Bergoglio iti pudpudno a biag, ket nagbalin nga umuna a Papa manipud Latin America ken umuna a Jesuit a nagbalin a lider ti Simbaan Katolika.
Iti uneg ti 12 a tawen a papacy, nagbalin a kangrunaan a pagsadagan dagiti nakurapay, dagiti migrants, ken iti aglawlaw.
Nabigbig pay kadagiti ganwat na a nang-reporma iti panangimaton ti Vatican ken panangtutok dagiti isyu ti patas a karbengan ken dagiti biktima ti sekswal a panagabuso iti uneg ti simbaan.
