BR LA UNION – Awan pay laeng iti napili a baro a Santo Papa ti Simbaan Katolika iti maikatlo a rikos ti papal conclave ita nga aldaw ti Huwebes, Mayo 8.
Daytoy ket kalpasan a nangisit manen nga asok ti rimuar iti chimney ti Sistine Chapel a senyales nga awan pay iti napili dagiti kardinal.
Pinuoran da dagiti balota ken linaokan ti kemikal tapno ipakita nu kasatnu ti proseso. Iti nangisit nga asok ket senyales nga awan pay ti baro a Santo Papa bayat a ti puraw nga asok ket senyales nga addan ti napili a baro a pontiff.
Idi kalman, Mayo 7, a nangrugi ti secret conclave dagiti 133 cardinals nga agtawen ti 80 agpababa, para iti pannakapili ti maika-267 a Santo Papa wenno successor ti pimmusay a ni Pope Francis.
Agsag-sagana manen dagiti kardinal para iti maikapat a rikos ti binnotosan.
Adda gundaway dagiti kardinal wenno “princes of the Church” nga agbotos ti agingga uppat a daras agingga a magun-od ti maysa a papal candidate ti two-thirds majority votes wenno 90.
Idiay St. Peter’s Square, ribu a Catholic faithful a pakairamanan dagiti papadi ken madre iti naanus nga agur-uray iti rumuar nga asok manipud iti kapilya para iti pannakaiyanunsiyo ti baro a Santo Papa.
