BR LA UNION – Dandanin makumpleto iti cassock nga isuot ti sumaruno a santo papa, a mada-it iti tallo a nagduduma a size.
Daytoy iti kangrunaan nga ar-aramiden ti Mancinelli Clergy, iti iconic shop a kangrunaan a mangimat-maton kadagiti ecclesiastical tailoring idiay Rome.
Nabilin a mangimaton iti pannaka-aramid ti isuot ti sumaruno a santo papa ket iti nalatak a tailor a ni Raniero Mancinelli.
Ni Mancinelli pay ti nangaramid iti cassock da John Paul II, Benedict XVI, Pope Francis, ken iti sumaruno a santo papa, a maikapat iti listaan na.
Iti interview kenni Mancinelli, sinigurona a makumpleto daytoy iti panagrugi ti conclave.
Nu addan iti mapili kunana a santo papa iti umuna nga aldaw ti conclave, sigurado nga addan ti nakasagana a cassock nga isuot ti sumaruno a lider ti Simbaan Katolika.
Iti panagrugi ti conclave, maysa a large, maysa nga small, ken maysa a medium iti naaramid tapno adda iti option.
Nakaragsakan met ni Mancinelli nga isuna ti napili a mangidaulo ti pannaka-dait iti cassok ti mapili a santo papa.
Kinuna na a dackel a pakaidayawan a makapag-serbi iti tallo a napalabas a santo papa, agraman ti maikapat wenno iti sumukat iti pimmusay a ni Pope Francis.
