Nangisayangkat ti umuna a misa Pope Leo XIV kas baro a lider ti Iglesia Katolika kasaruno ti pakasaritaan a panangabak na kas maikadua nga American-born pontiff.
Indauloan ti Santo Papa dagiti pibado nga misa kakadwa dagiti Cardinal sadiay Sistine Chapel ti alas-onse ti bigat, oras idiay Roma wenno alas-singko ti malem, oras ditoy Pilipinas ti aldaw ti Biernes, Mayo 9.
Impadanon ti Catholic Church leader ti umuna nga homilya na kas Santo Papa iti lengguahe nga Ingles ken Italian. Rinugian ti Santo Papa ti homilya na iti Ingles ken pinagyamanan na dagiti Cardinal electors para iti panagtalek da kenkuana.
Nangited met isuna ti naimpusuan a ballaag kadagiti Cardinal a kunana ket napaayaban da tapno agbalin a pudno iti naragsak a pammati kenni Kristo a Tagasalakan.
Nagpanawagan ni Pope Leo XIV ti kanayon a paunegen ti personal a relasyon kenni Kristo ken impaganetnet a nu awan ti pammati ti Dios ket awan ti serbi na iti biag.
Nagsentro ti homilya iti imbasa na iti Italian para ti umuna a Santo Papa ti Iglesia Katolika a ni San Pedro ken nilaglagip na dagiti sao a mabasa iti ebanghelyo a segun kenni San Mateo.
“You are the Christ, the Son of the living God,” in order to illustrate that patrimony, made possible by persistent faith in the Lord, “that the Church, through the apostolic succession, has preserved, deepened and handed on for two thousand years.”
Nilaglagip pay ni Pope Leo XIV nga impaayab isuna ti Dios babaen ti pannakaibotos kenkuana kas maika-267 a Santo Papa.
Kabayatanna, nagleppas iti Santo Papa iti homilya na babaen iti kararag.
“May God grant me this grace, today and always, through the loving intercession of Mary, Mother of the Church.”
