BR LA UNION – Binabalaw ti sumagmamano a mammanday linteg iti nagbalin a waragawag ni Vice President Sara Duterte nga agtalek a ma-absuwelto iti impeachment trial.
Segun kenni House Assistant Majority Leader Jay Khonghun ken Deputy Majority Leader Paolo Ortega, a saan a maikkat ti kumpiyansa ni VP Sara Duterte dagiti nadagsen a pammaneknek iti maipagarop a biddut a pananggastos iti confidential funds.
Maipalagip nga iti Articles of Impeachment a naidatag kontra kenni VP Sara, ginastos na iti P125 million-peso a balor ti confidential funds iti uneg laeng ti 11 nga aldaw idi 2022 ken umabot iti nasurok 612 million pesos iti balor ti confidential funds nga inusar ni VP Duterte.
Impaganetget manen ni Ortega dagiti peke wenno mapagdudua-an nga indibidwal a nausar iti panangpeke dagiti transaksyon iti nasao a pondo.
Nagballaag ni Khonghun iti panangusar iti political alliance tapno maimpluwensyaan iti agbalin a resulta ti impeachment trial.
Innayon ni Ortega, saan a maysa a political maneuver iti impeachment, ngem ketdi panangitandudo iti Konstitusyon ken panangprotektar iti pondo ti ili.
