Nakaragsakan ti Presidential Task Force on Media Security (PTFOMS) ti panangaprobar ti Supreme Court ti panangiyakar ti kaso ti kolumnista wenno journalist a ni Eduardo Dizon manipud Davao City nga agturong sadiay Quezon City kas sungbat ti pangta ti seguridad dagiti witnesses ken ti pannakakompromiso ti integridad ti panagdengnged.
Segun iti grupo, daitoy a desisyon ket napateg nga addang tapno masiguro a patas ken kinatalged ti kaso.
Ti addang ket kas maiyannurot ti direktiba ni Presidente Ferdinand Marcos Junior nga ipaganetget ti pagkasapulan ti naing-inget nga addang iti seguridad para kadagiti mangmangged ti media nu kasta ket maipamatmat ti panagsuporta ti gobierno ti nawaya ken natalged a panangibinglay kadagiti damag.
Mainaig iti daitoy ket ti panangpapigsa ti Media Security Vanguards a buklen dagiti ahensya kas iti Department of Justice (DOJ), Presidential Communications Office (PCO), Department of the Interior and Local Government in the Philippines (DILG), Commission on Election (Comelec), Philippine National Police (PNP), ken ti mismo a Presidential Task Force on Media Security.
Kabayatanna, pagaammo ni Dizon para kadagiti natutured a waragawag na iti kinakusit ti gobierno sakbay a napapatay isuna idi bulan ti Hulyo, tawen 2021.
Nagtignay met ti administrasyon ken ti grupo nga ituloy ti laban para ti hustisya ken kinatalged dagiti media personnel.
