BR LA UNION – Arestado iti maysa a Chinese national a nagimet ti International Mobile Subscriber Identity wenno I.M.S.I. catcher idiay Intramuros, Manila.
Idi ma-intercept ti NBI iti behikulo ti chinese ket dagus da nga inaresto daytoy.
Idi lukatan dagiti otoridad ti lugan ket nakita da iti spy equipment a maaw-aeagan ti IMSI catcher.
Segun iti tagapagsarita ti National Bureau of Investigation a ni Spokesperson Ferdinand Lavin, maipagarop a nabayag dan a pal-paliiwen ti suspek.
Kinuna na a ti nangtimbre kadakuada tapno makemmeg ti nasao a Chinese ket iti imbestigasyon ti Cybercrime Division ken Technical Intelligence Division.
Innayon na pay, a ti Chinese national ket nakapag-rikos iti naduma-duma a pasdek ti gobyerno idiay Manila partikular iti Padre Faura St. a pakasarakan ti Korte Suprema ken Department of Justice.
Kabayatanna, inaklon ti nasao nga spokesperson a ti motibo iti likod ti panagimet wenno panagrikos ti Chinese national nga addaan spy equipment ket saan pay a sigurado.
Ngem imbinglay na a kabaedlanna iti agtext blasting, makasagap ti impormasyon wenno sumrek ken mangala iti content a nakalemmeng iti personal nga smartphone ti maysa nga indibidwal.
Makunkuna a kabaelan na ti agsagap ken agala ti datus manipud iti kaaayu a 500 meters agingga 3 kilometer radius.
