Naharang ti Criminal Investigation and Detection Group (CIDG) ti nasurok P9.1-M a gatad dagiti unregistered vape products manipud iti naiyuswat a nga operasyon idiay Marilao, Bulacan idi aldaw ti Martes.
Maysa a Chinese national iti alias a ‘Ping’ ti naarestar kalpasan nga ilako ti produkto babaen ti maysa a brand nga awanan ti umdas a permits manipud ti Department of Trade and Industry (DTI).
Segun kenni CIDG Chief Police Major General Nicolas Torre III, agtultuloy ti gobierno ken kapulisan ti panangipaay ti proteksyon ken panangital-o ti saritaan salun-at nangruna iti panagusar kadagiti electonic cigarettes products.
Kinunana a ti pannakakumpiskar dagiti ilegal a produkto ket mangipakpakita laeng ti panangsalaknib da manipud iti mabalin a peggad ti salun-at a patauden dagiti unregistered a produkto.
Kabayatanna, sumangsango met iti chinese a suspek ti maysa a reklamo babaen ti National Prosecution Service for the Violation of Vaporized Nicotine and Non-Nicotine Products Regulation.