BR LA UNION – Inlawlawag ita ti Land Transportation Franchising and Regulatory Board (LTFRB) nga awan pay laeng ti mapasamak a panagngato ti plete kadagiti pampasahero a jeep ken bus.
Segun iti LTFRB, temporaryo nga intantan da ti panagngato ti plete gaputa ur-urayenda ti economic impact manipud iti National Economic and Development Authority wenno NEDA.
Impaganetget ni LTFRB Chairperson Atty. Teofilo Guadiz III, a nasken a mabalanse ti panagngato ti plete iti interes dagiti operator iti pampubliko a transportasyon ken ti epektona kadagiti commuter.
Iruarda laeng ti update no addan iti panagadal nga iruar ti National Economic and Development Authority wenno NEDA.
Immunan nga imbaga ti LTFRB a mabalin a maipatungpal ti P1 fare increase para kadagiti passenger jeepney iti sumaruno a lawas gapu iti agtultuloy a panagngato ti presyo ti lana iti world market.
