BR LA UNION – Awan ti direkta nga epekto iti sadinuman a paset ti pagilian, partikular iti Extreme Northern Luzon, ti bagyo a nasaripatpatan iti ruar ti Philippine Area of Responsibility (PAR).
Iti agdama, ababa ti posibilidad a sumrek iti pagilian ti nasao a bagyo, nu ibasar iti tur-turongenna a direksiyon.
Naudi a nasaripatpatan iti Tropical Depression iti kaadayu a 2,425 kilometro daya amianan-a-daya ti Extreme Northern Luzon .
Kabuyog na ti kapigsa ti angin nga umabot ti 55 kilometro kada oras ken kapegges a dumanon ti 70 kilometero kada oras.
Dup-dupagenna iti amianan a palaud iti kapartak a 20 kilometro kada oras.
Kabayatanna, nalawa a paset ti pagilian iti makapadas ti mawaras-waras a panagtudo ken panaggurru-od kas epekto ti southwest monsoon wenno habagat.
Partikular idiay Metro Manila, CALABARZON, BARMM, SOCCSKSARGEN, Davao Region, Pangasinan, Zambales, Bataan, Occidental Mindoro, Palawan, ken iti nabatbati a paset ti pagilian.
Imballaag ti weather bureau iti posible a flash floods ken landslides gapwanan ti napipigsa a buyat ti tudo kadagiti nadakamat a lugar.
