BR LA UNION – Pinagyaman pay ni US President Donald Trump iti Iran gaputi panangipaayna ti abiso sakbay a rimmaut iti US base idiay Qatar.
Kinunana nga al-allokoyenna ti Iran ken Israel nga agsarita da a nasayaat.
Innayonna nga awan ti nasugatan nga Amerikano ken saan a nagpasar ti nakaru a pannakadadael dagiti pasilidad.
Gaputi insidente ket arigna a naka-subbot ti Iran ken mangnamnama iti napaut a kinakapya.
Kagiddan daytoy, pinagyaman ti US President iti Emir ti Qatar gapu iti panangitandudo ti kinatalna iti rehiyon.
Inikkat metten ti US ti shelter advisory iti nasao a lugar kalpasan ti inaramid nga airstrike ti Iran iti US base idiay Qatar.
