BR LA UNON – Kinumpirma ni SFO2 Froilan Potingan ti Bangar Fire Station a naipangato iti second alarm ken nagpaut iti sangapulo nga oras iti panangsebseb da iti uram a napasamak iti maysa nga hardware idiay Barangay San Blas, Bangar La Union.
Kinasapulan pay iti tulong ti kabangibang a fire station kas iti Sudipen,Luna ken Balaoan para iti naparpartak a pannakasebseb iti nasao nga uram.
Awan met iti nailista nga nadangran wenno casualties iti napasamak gaputa stay-out amin nga empleyedao iti nasao nga pasdek negosyo.
Inbatad na pay nga awan iti pagruaran iti angin gaputa kubong ti pasdek iso nga nagpaut iti sangapulo nga oras sakbay a naideklara nga fire out.
Agtultuloy met iti inbistigasyon iti BFP Bangar tapno maduktalan iti nagtaudan ti uram ken no mano iti pakabuklan nga perdisyon daytoy, Bayat a nagpalagip met dagiti bombero a kanayun nga taginayunen iti panagannad pagtaengan man wenno pasdek negosyo liklikan iti agusar kadagiti sub-standard appliances wenno extension ken kanayon nga i-save kadagiti telepono ti contact number iti bumbero tapno makapagreport nga insigida no adda mapasamak nga uram.
