BR LA UNION – Nairikep ti floodway gate iti Ambuklao Dam kalpasan a naluktan iti napalabas nga aldaw iti dua a gate daytoy.
Umabot ti maysa a metro ti nailukat iti dua a floodway gate ken nangirwar ti nasurok 130 cubic meters per second a danum.
Daytoy ket kalpasan a ngimmato ti danum iti nasao a dam iti 751.96 meters wenno uppat a sentimetro sakbay a dumanon iti normal high water level (NHWL).
Dagus met laeng a bimmaba iti lebel ti danum iti nasao a dam, ken maibasar iti kauddian a report nga inruar ti Hydrology Division ti state weather bureau ita nga aldaw ket umabot laengen daytoy iti 751.37, dandani 60 cm a mas mababa kumpara iti level na idi kalman.
Kabayatanna, gaputi narway a panagtudo iti dackel a paset ti Luzon ket ngimmato manen ti level ti danum iti dadackel a dam ditoy pagilian.
Kabilang ditoy iti Magat Dam a nakailista ti nasurok maysa a metro a panagngato ti level, Pantabangan Dam, ken iti kadackelan a dam a San Roque, a nagrehistro ti 80 centimeters a panagngato iti lebel ti danum.
Idiay Metro Manila, umabot metten iti 79.59 meters iti lebel ti danum idiay La Mesa Dam. Daytoy ket nasurok 50 cm wenno kagudwa a metro laengen sakbay a naan-anay a madanon iti spilling level nga 80.15 meters.
Agtaltalinaed a mangpatudo iti dackel a paset ti pagilian iti low pressure area ken southwest monsoon.
