BR LA UNION – Naluktan ti sumagmamano a ruangan ti dua a dam idiay Benguet idi kalman, Sabado, Agosto 8, tapno mairuar ti danum iti tengnga ti agtultuloy ken napigsa a tudo.
Iti Ambuklao Dam, uppat a ruangan ti nalukatan iti dua a metro idi bigat kalman tapno mairuar ti 281.20 cubic meters per second (cms) a danum.
Idiay Binga Dam, uppat a ruangan ti naluktan iti kangato a dua a metro, ken nangiruar iti 317.53 metro kubiko a danum iti kada segundo (cms).
Immuna a nangipaulog ti state weather bureau iti advisory a mangibagbaga a dagiti lugar iti Luzon ken Visayas ket makapadas iti tudo iti sumaruno a 24 nga oras gapu iti epekto ti kimmaro nga hanging habagat wenno southwest monsoon.
