Nakitaan ti Department of Agriculture (DA) dagiti senyales ti panagdur-as iti sektor ti panagtalon ditoy Pilipinas, kasaruno dagiti serye ti kalamidad, krisis, ken dagiti outbreak ti sakit kadagiti dingwen.
Segun kenni Agriculture Secretary Francisco Tiu Laurel Jr., agrugrugin nga agbunga dagiti intervention ken reporma nga ar-aramiden ti gobierno kas sungbat iti epekto dagiti nasao a problema kas dagiti record-high volume dagiti maap-apit a produkto manipud kadagiti nadumaduma nga industriya.
Tinaggaysa ti sekretaryo iti napalaos a nangparigat iti sektor ti panagtalon idi napalabas a tawen kas iti naunday a panawen ti kalgaw, nagsasaruno a supertyphoon, volcanic activity, ken iti maminsan manen a panagngato ti kaso ti African swine fever.
Ita a tawen ket manamnama a makaapit iti pagilian ti nasurok 20.46 million metric tons ti palay wenno irik, banag a maibilbilang kas kangatwan a produksyon iti pakasaritaan ti pagilian.
Malaksid iti palay wenno irik ket manamnama met iti kangatwan a sugar output bayat nga iti corn industry ket nairehistron iti panagdur-as ti agingana 2.2%.
Kabayatanna, agtalek iti agriculture secretary a babaen ti agtultuloy a reporma ken intervention ken agtultuloy met a makabangon iti sektor ti panagtalon.#
