Nakaam-ames iti napasamak iti 19-anyos a ni Sophia Marie G. Coquilla iti mismo a kwarto na idiay Barangay La Filipina, Tagum City.
Ni Sophia Marie ket binagbagsolan ti namin-38 a daras dagiti menor de edad a suspek nga agtawen laeng ti 14 ken 17. Agtakaw lang kuma iti panggep dagiti dua ngem nataranta da idi nariing iti balasang.
Nupay kasta, intuloy da latta ti nagtakaw ken naala da ti balay ti laptop, cellphone, relo, ken tablet.
Arig na torture iti napasamak agsipud ta ti inaramat da a pinangpatay ket ti aglatlati a grass cutter ken maysa a dumbbell.
Laksid iti krimen ket maipasidong met dagiti suspek iti kustodiya ti Department of Social Welfare and Development gapo iti panagbalin da a menor de edad.
Maibasar ti Juvenile Justice and Welfare Act of 2006 wenno RA 9344, awan iti “criminal liability” dagiti agtawen kinse pababa a nakaaramid iti krimen.
Dagiti met 15-anyos ken 17-anyos ket saan a maibalud nu ti aksyon da ket “without discernment” wenno madi da ammo ti madi ken saan; uray nu aklonen da iti krimen ket maipasidong da laeng ti rehabilitasyon ken mapalubosan tu metlaeng kalpasan iti sumagmamano a tawen.
