Mangipaay iti Amerika ti $250,000 wenno katukad ti agarop P13.8 million tapno matulungan dagiti biktima ti kalamidad ditoy Pilipinas.
Iti nasao nga US funding ket addaan panggep a matulungan iti gobyerno ti Pilipinas iti life-saving response kadagiti naduprak ti nakaro a panagtudo ken panaglayos nga ingubway ti nagsasaruno a bagyo ken habagat.
Segun kenni US Ambassador to the Philippines MaryKay Carlson, maipaay iti tulong babaen ti United Nations World Food Programme.
Maipaay met iti US relief aid kadagiti komunidad nga apektado dagiti panaglayos idiay Metro Manila, Northern ken Central Luzon, ken CALABARZON.
Segun pay iti US envoy, nainget iti koordinasyon iti interagency team ti US embassy iti gobyerno ti Pilipinas ken iti WFP tapno masigurado a makaidanon dagiti tulong kadagiti agkasapulan.#
