BR LA UNION – Pinaglibakan ti aktres a ni Nadine Lustre iti maysa a viral post nga adda pakainaiganna seknan iti “Mirror Method,” maysa a konsepto a mangibagbaga a rumbeng a subadan iti kapada a lebel ti atensyon wenno panang-deadma, nga impakita ken inaramid kenka iti sabali a tao, gayyem man wenno miyembro ti pamilya.
Iti nagwaras a quote card ket ibagbaga na a, “’Di ka nila binati nung birthday mo? Don’t greet them also… just give them the same energy they’re giving to you.”
Ngem iti social media na, impaganetget ni Nadine a saan nga isuna ti nangibaga iti nasao a quote card.
Imbinglay ni Nadine iti personal a kapanunutanna, ket kunana a saan a mamati iti “mirroring coldness” wenno subad a saan a panangipakita ti concern ken mas ikanna ti importansiya iti panagbalin a nasayaat nga uray awan ti kasukat na.
“Kindness isn’t for them, it’s for YOUR soul,” aniya.
Nangted pay ti balakad kadagiti makapad-padas ti saan a nasayaat manipud iti sabali a tao: “You can walk away without carrying heaviness in your heart. It’s the quiet, steady peace of knowing you’ve already forgiven them, even if they never asked.”
