Imbilin ni Department of Transportation (DOTr) Secretary Vince Dizon iti perpetual revocation wenno tungpal biag a pannakakanselar ti lisensya ti driver a nag-counterflow idiay Skyway.
Nagtaud daitioy iti CCTV footage ti panag-counterflow wenno panangsaat ti nasao a driver kadagiti lugan manipud bangir a lane ti kalsada.
Segun kenni Dizon, saan a mabalin a suspindiren laeng ti lisensya ti driver agsipud ta ti inaramid na ket nangpeggad kadagiti motorista nga mangus-usar iti pampubliko a kalsada.
Innayon na a nasken ket saanen a matulad pay ti siasinoman ti inaramid na a ‘reckless driving’ isu a makanselaren iti tungpal biag ti lisensya na.
Kasaruno daitoy ket kumidkiddaw met iti ahensya manipud iti publiko a saan a mabuteng ken ipatulod kadakuada dagiti matakuatan a drivers wenno motorista a mainaig ti kapada nga aramid nu kasta ket madusa metlaeng dagitoy.
