Agsango iti Gilas Pilipinas ken Saudi Arabia iti nainget a laban idiay Jeddah tapno magun-od iti maudi a pwesto iti quarterfinals ti 2025 FIBA Asia Cup.
Kalpasan iti nabuntog a rugi kontra iti Chinese Taipei ken New Zealand, nakabawi iti Gilas babaen iti panangabak kontra Iraq ti iskor a 66-57, tapno agtalinaed da iti torneo.
Inaklon ni Coach Tim Cone a narigat iti dalan a tumtumboken ti koponan, ngem nakasagana da a sangoen iti karit.
Manamnama a maminsan manen nga idauloan ni Justin Brownlee iti ay-ayam ken agserbi met kas suporta da Dwight Ramos, June Mar Fajardo, AJ Edu, ken Scottie Thompson.
Posible a saan a makaay-ayam ni Calvin Oftana gapo iti Right Ankle Sprain.
Numanpay inabaken ti Gilas iti Saudi Arabia iti tallo a maudi a panagsangoda, saan da nga ik-ikkan importansya daytoy ken pinili nga ipamaysa iti agdama a laban.
Kabayatanna, iti mangabak iti laban ket sumango iti defending champion nga Australia iti sumaruno a paset ti kompetisyon.#
