Nangisayangkat ti radio challenge iti Northern Luzon Naval Command ti Philippine Navy kadagiti sumagmamano a barko ti People’s Liberation Army-Navy ken CCG a nasaripatpatan nga agdaldalyasat iti kabaybayan a sakop ti probinsya ti Batanes.
Dagiti barko ti China ket saan nga otorisado nga agdalyasat iti kabaybayan sa sakop ti pagilian.
Nasaripatpatan dagiti barko iti agtultuloy a maritime ken sovereignty patrol dagiti barko ti Navy a BRP Jose Rizal ken BRP Emilio Jacinto iti nadakamat a lugar.
Iti laksid ti radio challenge ket saan daytoy a nakaala ti sungbat manipud kadagiti barko ti China, no di ket binaliwan iti ruta ken arigna awan ti bibiang da.
Maipalagip a winater bomb dagiti tallo a barko ti China Coast Guard iti barko ti Bureau of Fisheries and Aquatic Resources (BFAR) asideg ti Bajo de Masinloc.
Kinondenar met ni Northern Luzon Naval Command chief Commodore De Sagon iti presensya dagiti barko ti China iti territorial waters ken Exclusive Economic Zone (EEZ) ti Batanes.
Kabayatanna, imbilin ni FP Chief of Staff Gen. Romeo Brawner Jr. iti panangpapigsa ti pwersa ti Northern Luzon gapo iti tensyon iti nagbaetan ti China ken Taiwan.#
