BR LA UNION – Nagpanawagan ni World Health Organization (WHO) chief Tedros Adhanom Ghebreyesus a tulungan a maiyakar iti aganay 15,000 a pasyente manipud Gaza.
Dagiti nasao a pasyente ket agkasapolan ti dagus nga atensyon medikal a saan a makita idiay Gaza.
Inaramid na iti panawagan kalpasan ti panangiyakar ti WHO iti 32 nga ubbing, innem a nataengan ken 99 a dadduma pay, tapno maagasan iti sabali a pagilian kas koma idiay Italya, Belgium ken Turkiye.
Inallokoy pay ti WHO chief dagiti pagilian nga awaten dagiti pasyente kagiddan iti panawagan a rumbeng a maluktan ti dadduma a ruta idiay West Bank kabilang iti East Jerusalem sakbay a maudi ti amin.
