BR LA UNION – Nangiruar ti update iti International Criminal Court (ICC) seknan iti kasasaad ni sigud a presidente Rodrigo Duterte bayat a nakabalud idiay The Hague.
Segun iti ICC Registry, ni Duterte ket maibilang nga “elderly detained person” a nangato ti risgo a matinnag, isunga naipasidong iti continuous cell monitoring.
Inlawlawag ti ICC nga awan pay ti nailista nga insidente ti pannakatinnag ni Duterte.
Nangipatungpal da pay iti kasapolan nga adjustments iti selda ni Duterte ken arwaten tapno masiguro ti kinatalged ken agbalin latta a nagin-awa ti sigud a presidente.
Nupay kasta, saan a naibinglay ti detalye dagiti chronic ailments na gapu iti medical confidentiality.
