Inanunsiyo ti Bureau of Customs (BOC) iti temporario a panagsuspinde iti Clearance Procedure iti sidong ti Green Lane tapno aramiden a simple ken naparpartak iti customs clearance para kadagiti biyahero kadagiti Airport.
Ditoy pagilian, dagiti sumangsangpet a pasahero ket masapol nga agparehistro iti eTravel app ken sungbatan iti Customs Declaration Form sakbay a sumangpet. Maysa QR code iti awtomatiko a mangpartuat para iti amin a pasahero, uray adda wenno awan ti naidedeklara a goods wenno kwarta.
Apagsangpet ditoy pagilian, agderetso dagiti pasahero iti Green Lane no awan ti kasapulan nga i-declare ken iti Red Lane no adda.
Mangrugi ita nga aldaw, saan a masapolen nga i-scan iti QR code dagiti pasahero iti Green Lane. Dagiti addaan ti Red Lane, karaman dagiti addan ti deklarasyon ken dagiti napili babaen ti random, reasonable, wenno intelligence-based a panagusig ket masapol nga ag-QR code scanning ken kadaywan a proseso ti customs clearance.
Inpaganetget ni Nepomuceno iti maysa a press conference nga ipakpakita daytoy nga addang iti panangtutok ti departamento iti balanse, naparpartak a proseso ,ken panagtalinaed ti mandato iti seguridad ti border.
Kabayatanna, personal nga ininspeksion ni Nepomuceno iti urnos dagiti pasahero iti Customs Arrival Area ti Ninoy Aquino International Airport (NAIA) tapno makita iti agdama a sistema ken maamwan dagiti paset a mapasayaat.
