Inwaragawag ni South Korean President Lee Jae Myung nga ipatungpal da manen dagiti sumagmamano a katulagan ti militar idiay beddeng ti South Korea ken North Korea kas paset ti addang a mapasayaat ti relasyon dagiti dua a pagilian.
Manipud iti panagbetla na iti maika-80 nga anibersaryo ti pannakawaya-waya ti Korea iti panagsako dagiti Hapon ket imbatad ni Lee nga isubli dan iti September 19 Comprehensive Military Agreement.
Daitoy ket maysa a katulagan a napermaan idia tawen 2018 a nairanta tapo pababaen ti tensyon iti beddeng ti South ken North Korea babaen ti panangipatalna kadagiti sumagmamano nga aktibidad nga adda pakainaigan na iti militar.
Karaman kadagiti probisyon ti katulagan ket ti panangisardeng kadagiti military drills ken live-fire exercises, panangidatag ti no-fly zones, ken panangikkat kadagiti sumagmamano a guard posts idiay Demilitarized Zone (DMZ).
Saan pay a nalawag iti agdama nu anya iti sungbat manipud Pyongyang nangruna ta sumagmamanon a binabalaw ni North Korean Leader Kim Jong Un dagiti inisyatiba ni Lee para iti kinakapia.
Pinaburan met ni Lee iti “forward-looking” a relasyon da ti Japan a maibasar iti interes ti South Korea.
Manamnama a bumisita isuna idiay Tokyo inton Agosto 23 para iti summit kadwa ni Japanese Prime Minister Shigeru Ishiba, kararuno metten iti epekto dagiti taripa manipud iti administrasyon ni US President Donald Trump.
