Pinasingkedan ni Philippine Ambassador to the United States Jose Manuel “Babe” Romualdez iti panangipatulod ti US government ti dokumento iti Department of Justice a mangkidkiddaw ti extradition kontra kenni Pastor Apollo Quiboloy.
Ni Quiboloy ket founder ti Kingdom of Jesus Christ ken maan-anop idi gaputi panakairaman na iti labor trafficking scheme a mangipatpatulod kadagiti miyembro ti simbaan idiay Estados Unidos ken mapekpeke dagiti visas.
Maipagarop nga inkapilitan pay nga agkidkiddaw ti donasyon dagiti miyembro para iti bogus a charity, ngem igasgastos laeng ni Quiboloy iti nagarbo a panagbiag na.
Iti extradition treaty ket pinermaan ti Estados Unidos ken Pilipinas idi 1994. Amin nga extradition ket maisubmitir babaen ti diplomatic channel a suportado dagiti dokumento a nakailanadan ti pakabigbigan ken lokasyon ti mabirbirok nga indibidual.
Kasapulan met nga ipakaammo a dagos idiay US babaen ti diplomatic channel iti desisyon, ken no maaprobaran ket agtulag dagiti contracting parties maipanggep iti oras ken lugar para ti panangisuko.###
