Napalawa ita nga aldaw iti “Benteng Bigas, Meron Na! Para sa Magsasaka” program ti agdama nga administrasyon.
Iti maysa nga statement, kenuna ni Agriculture Secreatary Francisco Tiu Laurel Jr. a magatangen iti P20 rice iti warehouse ti National Food Authority idiay Laoag City, Ilocos Norte; Occidental Mindoro; Roxas City, Capiz; ken Baloy, Cagayan De Oro.
Segun iti sekretaryo, mairugi inton sumaruno a lawas iti P20 rice program para kadagiti rehistrado a mangngalap ken fish port workers a paset iti Registry System for Basic Sectors in Agriculture.
Karaman kadagiti kangrunaan nga agbenepisyar dagiti komunidad idiay Lucena City, Quezon; Sual, Pangasinan; ken Navotas.
Impasurado ti ahensya nga agtultuloy ti panangpalawa iti programa tapno madanon dagiti 15 a pamilya inton sumaruno a tawen kas sungbat iti direktiba ni Presidente Ferdinand Marcos Jr.###
