Pimmalag ni Manila 6th District Rep. Benny Abante iti kinuna ni Davao City Vice Mayor Sebastian “Baste” Duterte a “PR stunt” laeng ni Presidente Ferdinand Marcos Junior ti panangimbestigar kadagiti palpak ken maanomalya flood control projects.
Impaganetget ni Abante kenni Baste a damagen na pay iti mismo iti kabsat na a ni Davao City Rep. Paolo Duterte nu mano a bilyon a pondo ti naala na para kadagiti flood control projects iti panawen ti ama da a ni sigud a presidente Rodrigo Roa Duterte
Karit ita ni Abante a ket ipakita amin ni Baste nu kasatno na nga inusar dagiti nasao nga alokasyon para kadagiti proyekto a nairanta ti panagtaming ti layos ken nu apay nga agingga ita ket dakkel paylaeng ti problema ti panaglayus idiay Davao.
