Nailako iti auction iti lightsaber sword nga inusar ni Darth Vader ti ‘Star Wars’ iti gatad a 3.6 million dollars.
Naaramat iti nasao a lightsaber iti pelikula a “The Empire Strikes Back” ken “Return of the Jedi”.
Saan da met a namnamaen a madanon iti nasao kantidad agsipudta iti umuna ket dumanon laeng ti 1 million US dollars agingana 3 million US dollars.
Segun kenni Brandon Alinger, chief operating officer ti Propstore, iti kumpanya a nangilako ti saber, naartapan daytoy dagiti immunan a props a nausar iti “Star Wars” nga aggatad ti 2.3 million US dollars.
Iti nasao nga auction ket paset ti Entertainment Memorabilia Live Auction: Los Angeles Summer 2025 ken agpaut agingana Setyembre 6.
Sugmamano kadagiti mailaklako iti auction ket iti costume ni Tobey Maguire ti “Spider-Man2” ken “Batman” 89 suit nga inusar ni Michael Keaton.###
