Nakaur-or ti National Food Authority (NFA) ti ₱936.5 million a kita manipud iti inaramidda a panangilako kadagiti nakapenpen a bagas.
Ti nasao a gatad ket nasursurok iti target a dumanon ti ₱912.4-M.
Nailako iti auction ti agarup 90% a nabayagen a nakatambak a bagas.
Panggep ti nasao nga auction ket tapno wayaan dagiti bodega gapu ti masungad a panawen ti panagaapit.
Segun ti NFA, nakailakoda ti 32.5 million kilos ti bigas nga addaan ti average price a ₱28 tunggal kilo.
Nainget a sinukimat ti NFA dagiti dokumento ti bidder sakbay a maisapinal ti sales contracts.
Dumanon ti aganay 740,000 a sako ti bagas a nakatambak manipud tallo aginggana 18 a bulan.###
