Posible a nasururok pay ti bilang dagiti miembro ti Kamara nga addaan kadagiti nagkakadakkel nga insertions idi 19th Congress.
Natakuatan a nasurok-kumurang P100-B dagiti insertions iti 2025 General Appropriations Act ita a tawen 2025 , para laeng kadagiti senador.
Kinuna ni Senate President Pro Tempore Ping Lacson a kaadwan kadagiti senador ti 19th Congress ket nangikabil met kadagiti kabukbukodan da nga insertions ti budget kas maibasar metten iti agtultuloy nga imbestigasyon da.
Innayon na nga adu kadagiti individual insertions ket “for later release” a rason iti pannakakigtut na iti pakabuklan a dakkel ti gatad na.
Inbinglay na a saan na pay a nakita ti pakabuklan a gatad na idi ken indasig na ti sitwasyon iti panawen a naideklara kas unconstitutional iti PDAF, nu sadino ket minilyon a piso laeng ti kadawyan a karaman.
Impaganetget ti senador a kasapulan ti dakkel a panagbalbaliw ken ipamaysa ti transparency iti panangikabil kadagiti items iti pondo.
