BR LA UNION – Personal a nagturong idiay Bogo City, Cebu idi kalman, Miyerkules, Oktubre 1, 2025 ni DPWH Secretary Vince B. Dizon, kadwa na ti dadduma pay a miyembro ti gabinete, kas panagtulnog iti bilin ti Presidente a sukimaten ken i-assess iti kasasaad ti lugar kalpasan ti napigsa a gingined idiay Visayas.
Dagus met nga inbilin ni Secretary Dizon dagiti building officials ken municipal engineers a mangisayangkat ti inspeksyon ken assessment kadagiti pasdek tapno masiguro iti structural integrity.
Imbilin pay ti sekretaryo iti Regional Director ti DPWH Region VII a dagus a simpaen dagiti nadadael a national roads tapno saan a ma-delay ti panagitulod ti tulong kadagiti apektado a lugar.
Aganay ₱2 bilyon iti inisyal nga estimate dagiti nadadael ti gingined.
Kabilang iti prayoridad ti sekretaryo iti panang-tarimaan ti Bogo City Provincial Hospital tapno makasubli iti uneg ti pasilidad dagiti pasyente a temporaryo a matamtaming iti parking lot.
