Dumanonen ti 51 ti bilang dagiti pimmusay idiay Vietnam gapo iti Bagyong Bualoi wenno sigud a Bagyong Opong.
Nangigubuay ti bago ti nasaknap a panaglayos ken impadamag ti gobierno ti Vietnam a nakailista da ita a lawas ti 14 nga indibidwal a mapukpukaw ken 164 a nadundunor.
Maipalagip a dimmuprak iti bagyo idi aldaw ti Lunes iti Amianan-a-sentro a paset ti nasao a pagilian kalpasan iti makaperdi nga angin ken panagtudo nga inggubuay na ditoy Pilipinas.
Dumanonen ti aganay 15.9-T Dong wenno katupag ti $603-M ti mapatta-patta a perdisyon ti Bagyong Bualoi idiay Vietnam.
Apektado itan dagiti rinibu a sangkabalayan, pagadalan, kalsada, opisina, ken kuryente kadagiti adu a lugar.
Mapatta-patta a 230K a babbalay idiay Vietnam ti naapektaran ken aganay 89k nga ektarya ti talon ti dinadael ti panagduprak ti Bagyong Bualoi.
