BR LA UNION – Plantsado ti amin.
Daytoy iti nagbalin a waragawag ni Senadora Imee Marcos kalpasan a napili ni Department of Justice (DOJ) Secretary Boying Remulla nga agtugaw kas baro nga Ombudsman.
Inladawan pay ni Marcos, nga arigna “timmambling”ni Ombudsman Dante Vargas tapno i-dismiss ti kaso ni Remulla.
Impaganetget ni Marcos, nga arigna maikagumaan ti pannakaibalud ni Vice President Sara Duterte isunga nadutukan ni Remulla kas Ombudsman.
Innayon na pay, nga arigna ‘palabas laeng’ iti nairwar a shortlist dagiti nagan para iti posisyon.
Dismayado pay ti senadora isunga saan na a sinuportaran iti ad interim appointment dagiti baro a miyembro ti Judicial and Bar Council (JBC) a naipasidong iti nabileg a Commission on Appointments.
