BR LA UNION – Saan a prayoridad ti Kamara iti impeachment complaint kontra kenni President Ferdinand Marcos Jr.
Segun kenni House Speaker Bojie Dy III nga adu pay a problema ken isyu a sangsangwen ti pagilian, isunga nasken nga ipaayan nga umuna dagitoy ti solusyon.
Sungbat daytoy ti Speaker kadagiti post iti social media a mangibagbaga a mangidatag ni Rep. Francisco “Kiko” Barzaga ti Dasmariñas City ti impeachment complaint kontra iti Presidente.
Inlawlawag ni Dy nga awan pay met iti naidatag a reklamo ken makomikom ita ti Kamara iti napapateg nga isyu.
Ingkari ti House Speaker iti publiko nga iti sidong ti panangidaulo na, agtultuloy a nakatutok iti Kamara kadagiti polisiya a sumup-suporta kadagiti mannalon, mangpapigsa ti seguridad iti taraon, accountability ken panangipaay ti konkreto a resulta para kadagiti Pilipino.
