BR LA UNION – Arestado ti maysa a janitor idiay Patac, Santo Tomas, La Union gapu kadagiti kaso a panagrames ken panang-molestiya.
Iti suspek, agtawen ti 58, addaan asawa, residente ti Barangay Balaoc ti nasao nga ili ket sumangsango iti kaso a: three (3) counts ti statutory rape ken two (2) counts ti acts of lasciviousness.
Ti kaso na a panagrames ket saan a mapiyansaan bayat a ti act of lasciviousness ket narekomendaan ti piyansa a ₱200,000 ti maysa.
Iti suspek ket nakalista kadagiti otoridad kas No. 2 Most Wanted Person iti Rehiyon Uno.
Ballaygi ti insayangkat a manhunt operation kontra iti suspek idi rabii ti Miyerkoles, Oktubre 15, 2025 babaen iti nagtipon a puwersa dagiti otoridad nga indaulwan ti Santo Tomas Police Station.
