BR LA UNION – Inbutaktak ni Catholic Bishops’ Conference of the Philippines (CBCP) President Cardinal Pablo Virgilio David nga adda sumagmamano a mammanday linteg nga immasideg kenkuana ken nagkumpisar a karaman dagitoy iti anomalya dagiti flood control projects.
Kinuna ni Cardinal David, kimmiddaw dagitoy a mammanday linteg ti spiritual guidance gapu ti inaramid da.
Innayon pay ti Kalookan Bishop a dagiti mairam-raman a pulitiko ket agbab-babawi .
Adda pay kunana dagiti gundaway a saan a pagtalnaen ti konsensya da.
Nupay kasta, saan metten a nangipaay ti nagan iti Cardinal, ngem imbaga na nga adda ti naggapo idiay Senado ken House of Representatives nga immasideg kenkuana.
Kinuna na a dagitoy ket nakariing ti konsesiya da ken masasair ti rikna da gaputi inaramid dagitoy a biddut.
Maipalagip a namin-adun a daras a nagpanawagan ni David iti gobyerno a papigsan iti kampanya na kontra kurapsyon.
