Nagkiddaw ti tulong ni Senador Ronald “Bato” Dela Rosa iti Supreme Court tapno mangiruar ti Temporary Restraining Order kontra iti implementasion ti arrest warrant nga inruar ti International Criminal Court (ICC).
Impila ti Senador iti manifestation kas urgent, ken maysa a follow-up iti pending petition for certiorari and prohibition nga impila ken ni sigud a Presidente Rodrigo Duterte idi Marso 11, 2025 kontra kenni Executive Secretary Lucas Bersamin gapo ti panangarestar ken panangiyalis kenni Duterte idiay The Hague, Netherlands.
Kiniddaw met ni Dela Rosa iti SC nga agaramid ti judicial notice iti panangibutaktak ni Ombudsman Jesus Remulla nga addaan isuna ti warrant of arrest manipud ICC, ken ti panangiparang ti nasao a warrant a maiparagop nga adda iti cellphone ni Remulla.
Ni Dela Rosa ket PNP Chief idi panawen ni Duterte a nakaipatungpalan ti war on drugs. #
