BR LA UNION – Panawagan ti naduma-duma a grupo kas ti Marcos Resign movement, Masada, Bangon Sambayanan, One Bangsamoro Movement, ken United Taxpayers Against Crime, iti ”Marcos Resign” kagiddan ti umuna nga aldaw a tignay protesta iti transparency and accountability ti Iglesia ni Cristo (INC).
Bitbit dagiti grupo iti placard nga adda nakasurat a ”panagutin ang mga magnanakaw at mandarambong para sa katarungan, pagkakaisa, at kapayapaan.”
Maibasar iti listaan 5,000 dagiti miyembro a nakipaset iti nasao a panawagan kasaruno ti inbutaktak ni sigud nga Ako Bicol Party-List Representative Elizaldy ”Zaldy” Co iti maipagarop nga utek ti P100 billion budget insertions a pang-imprastruktura a proyekto ti gobyerno partikular ti anomalya iti flood control projects.
Segun ti sigud a political adviser ni president Rodrigo Duterte a ni Jacinto Paras, maipagarop a “caught in the act” ni Presidente Ferdinand Marcos Jr kadwa ni Co kadagiti kinakusit iti gobyerno.
Iti sabali a bangir, iti panawagan a pagebbaten iti pwesto ni Vice President Sara Duterte, impaganetget ni Paras a dagiti laeng “dilawan” ken ”komunista” ti akin-aramid dagitoy.
