Nakasaganan a makisarita ni Venezuelan President Nicolás Maduro iti siasinoman a mangibagi kenni US President Donald Trump.
Iti nasao a waragawag ket kalpasan nga impadamag ti US Presidente a saan nga agbaliw iti desision na a mangideploy dagiti suldado idiay Venezuela.
Inakusaran ti Estados Unidos ni Maduro a lider ti drug cartel, banag a pinaglibakan ti Venezuelan President ken imbagana a kayat laeng ti US a makontrol iti oil reserves ti pagilian.
Sipud idi nagtakem ti maikadua a termino ni Trump ket nagbalin a nainget iti pressure ti Estados Unidos kenni Maduro.
Nangilatang met ti Amerika ti $50 million a gunggona para iti panaka-kemmeg ni Maduro, ken ti agdama ket mangisayangkat ti sumagmamano a military operations kadagiti bangka a maipagarop a nagimet ti ilegal a droga manipud Venezuela ken agturong idiay US. #
