Kinedkedan ni Capt. Rioklyn P. Toledo dagiti alegasyon a mangikonkonektar kenkuana maipapan iti nasabat a 521-kilo a mapapati a shabu sadiay Laos.
Segun kenni Toledo, nakitaripnong isunan iti Criminal Investigation and Detection Group (CIDG) ken Philippine Drug Enforcement Agency (PDEA) tapnu ilawlawag iti dasig na.
Kinuna na nga awan iti ilemlemmeng na ken nakasagana pay a makitinnulong kadagiti otoridad.
Inlawlawag pay yi piloto nga awan iti pakainaigan ti agdama a kaso iti sigud nga isyu a sangsangwen na a naibasura idi 2012.
Kabayatanna, kinumpirma ti Philippine National Police a naikkat iti puwesto ken naipasidong iti restrictive custody ni Police Executive Master Sergeant Aileen Mendoza manipud idi Oktubre 13 bayat nga im-imbestigaran iti maipagarop a pannakaraman na iti kaso.
Maibasar iti umuna a waragawag ni Interior Secretary Jonvic Remulla, maipagarop a ni Toledo iti nagurnos ti panagala ti pribado nga eroplano manipud Malaysia, bayat a ni Mendoza met iti mapagduduaan a timmulong iti panagala ti hangar para iti plano a panangiyakar ti shipment ditoy Pilipinas.
Agtultuloy iti imbestigasyon tapnu maamwan dagiti dadduma pay a posible a karaman iti kaso.
