Nagpalagip iti Department of Labor and Employment (DOLE) kadagiti employer kadagiti pribado a sektor nga itedda iti mandatory a 13th month pay dagiti empleado sakbay ti Disiembre 24.
Segun kenni DOLE- Bureau of Working Conditions Director Alvin Curada, immunan nga impalagip ni Labor Secretary Bienvenido Laguesma idi Oktube ken Nobiembre iti responsabilidad dagiti employer kadagiti empleyado a mangipaay ti 13th month pay wenno katupag ti maysa a bulan a sueldo.
Impaganetget ti opisial a nakalanad iti Labor Code of the Philippines ken Presidential Decree 851 a kualipikado dagiti mangmangged kadagiti pribado a kompania para iti 13th month pay.
Kualipikado pay ditoy dagiti empleado a rank-and-file a masuelsuelduan ti fixed wenno guaranteed wage karaman iti komision no la ketdi nakapag-render da ti maysa a bulan a panagtrabaho, dagiti addaan ti ado nga employers, nag-resign, naikkat wenno na-terminate iti trabaho wenno naka-maternity leave ken umaw-awat ti salary differential.
Saan met a sakop ti 13th month pay dagiti mangmangged iti personal service ken kumitkita base iti komisyon. #
