Dinepensaan ni General Nicolas Torre III iti nagbalin nga aksion ti PNP partikular iti panangiserbida ti arrest warrant kadagiti known address ni sigud nga Ako Representative Zaldy Co uray ammo da nga adda daytoy iti sabali a pagilian.
Segun kenni Torre, paset daytoy ti umno a proseso. Trabaho dagiti pulis nga iserbi iti warrant kadagiti ammoda a pagnanaedan dagiti akusado ken agsubmitir ti report iti korte kalpasan ti sumagmamano nga aldaw.
Nagtaud iti kaso kadagiti proyekto pang-imprastraktura a maibagbaga kas “ghost projects” wenno substandard.
Inruar ti Ombudsman iti kaso a graft kalpasan a makaala ti ebidensia manipud iti imbestigasion ti DPWH ken Independent Commission for Infrastructure (ICI).
Makalsid kenni Co ket mabirbirok met dagiti 17 nga opisial ti DPWH a nairaman iti korapsion kadagiti flood control projects.
Nangiruar iti Sandiganbayan ti Hold Departure Order (HDO) tapno masigurado a sumango iti kaso dagiti akusado.
Impaganetget ti PNP nga awan ti ‘special treatment’ a mapasamak ken dumalan da amin iti umno a proseso ti linteg.#
